امامي ياعلي مشرف
عدد المساهمات : 156 تاريخ التسجيل : 22/08/2010
الاوسمه :
| موضوع: دهاء انشتاين لمن جان بالثالث ابتدائي الثلاثاء أغسطس 31, 2010 9:58 pm | |
| يكلك مره انيشتاين لمن جان بالثالث ابتدائي حصل التالي
دخل استاذ الرياضيات مالتهم وجان كلش ما اله خلك فكال خلي الهي الطلاب بفد مسأله يطولون الى ان يحلوهه واني خل ارتاح واكعد اقره جرايد احسن المهم انطاهم المساله التاليه:
كلهم اريدكم توجدولي مجموع الاعداد من 1الى100 يعني 1+2+3+.....100=؟ واريدكم تتذكرون همه ثالث ابتدائي يعني انت تصور روحك انت بصف ثالث ابتدائي وتريد تحلهه شكد راح اطول وقت ياله تحلهه؟؟؟؟؟ المهم الطلاب خطيه كلهه لزمت ورقه وقلم وكاموا يجمعون 1+2=3+3=6+4=10........الخ
هنا انيشتاين اخذله صفنه وسوه التالي انيشتاين كال 1+100=101 2+99=101 3+98=هم 101 هاي شنوووو!!!!! زين 4+97=101 هاي شلون سالفه 5+96=101 وصل لهنا جان ياخذله صفنه لخ بعدين كال اذا بهيجي حاله راح اوصل الى اخر شي وهو . . . . . . . 50+51=101 فكال اني ليش مدوخ نفسي فشسوه انيشتاين سوه التالي
50*101=؟؟؟؟ ضربهن وطلع الناتج وطلع الناتج=====5050 5050=مجموع الاعداد من 1الى 100 وانطه الورقه لاستاذ الرياضيات اللي جان كاعد ديقره الجريده بعد خمس دقايق من اعطاءه للسؤال طبعا استاذ الرياضيات بكبره لمن شاف الناتج صفننننننن لانه الناتج طلع صحيح بس على طريقة انيشتاين انيشتاين لمن جان بالثالث ابتدائي هيجي سوه شفتوا الدهااااااااااااااااااء المهم اختكم (اني)لزمت الحاسبه والورقه والقلم وظليت نص ساعه بس دا اريد اوصل لنهاية الحل المفروض وبالتواسيل وصلت للناتج بس اني شلون عرفت اني اخذت الحاسبه وكعدت احسب المجموع على الحاسبه 1+2+3+4+.....................................+100 وطلعلي الناتج=5050
المهم
اكو طريقه مشابهه للطريقه الاولى واللي اني هم وصلتلهه لانه فد مره حششت على انيشتاين
المهم الطريقه الاولى جانت انه الناتج يطلع 101 يعني 1+100=101 2+99=101 . . . .الخ حسب ما شرحت فوك
واليكم الطريقه الثانيه وهي وحده من الطريقتين هي اللي استخدمهه انيشتاين الطريقه الثانيه تكول التالي 1+99=100 2+98=100 3+97=100 4+96=100 هنا وكف انسيشتاين وكال بهيجي حاله راح اوصل لنتيجه . . . . . انه 49+51=100 فه 49*101=4949 و 51*101=5151 بعدين (4949+5151)\تقسيم 2=؟؟؟ والناتج هو 5050
ها يابه
شنو رأيكم بانيشتاين من جان بالثالث ابتدائي يخبل مو بله
اتمنى انه الموضوع افتهمتوه لانه هو شويه يدوخ احتمال بس ان شاء الله تكونون فهمتوه
تحياتي الكم | |
|
خادم اهل البيت مراقب
عدد المساهمات : 9 تاريخ التسجيل : 28/08/2010 العمر : 30 الموقع : https://alahdmedia.yoo7.com
| موضوع: رد: دهاء انشتاين لمن جان بالثالث ابتدائي الجمعة سبتمبر 10, 2010 4:22 pm | |
| السلام عليكم موضوع حلو
غير ذكي هذا انيشتاين
اسف على غيبتي على المنتدى | |
|
إسراء عضو جديد
عدد المساهمات : 7 تاريخ التسجيل : 03/03/2012 العمر : 29
| موضوع: رد: دهاء انشتاين لمن جان بالثالث ابتدائي السبت مارس 03, 2012 8:27 am | |
| الصصدق مآفهمت ليشش ضرب وقسسم على آثثنين وجد مآشاءالله عليه آنسسآن قدر يشغل عقله ويطوره وعقبآالناا وتسلمين | |
|